جوہری معاہدہ: امریکا وایران اپنے اپنے موقف پر قائم

پابندیاں یکطرفہ طور پر نہیں اٹھائیں گے،امریکا، مذاکرات نہیں ہوں گے،ایران
واشنگٹن ( نیوز ڈیسک) ایران کے لیے امریکی محکمہ خارجہ کے مندوب راب میلے نے کہا ہے کہ یک طرفہ طور پر تہران پر عائد کی گئی پابندیاں نہیں اٹھائی جائیں گی، بامقصد بات چیت کے آغاز اور تعمیری اقدامات کی یقین دہانی کی صورت ہی میں پابندیوں میں نرمی پر غور کیا جاسکتا ہے، براہ راست بات چیت زیادہ موثر ہوتی ہے اور اس میں غلط فہمی کے امکانات کم ہوتے ہیں، جبکہ ایرانی وزیر خارجہ جواد ظریف نے کہا ہے کہ جوبائیڈن انتظامیہ نے سابق صدر ٹرمپ سے کچھ مختلف نہیں کیا، معاہدے میں واپسی سے متعلق ہمارا صرف اتنا مطالبہ ہے کہ امریکا بات چیت سے قبل جوہری معاہدے کی پاسداری کرتے ہوئے تمام پابندیاں ختم کرے اور سابق انتظامیہ والی غلطیاں نہ دہرائے جانے کی ضمانت دے، جون میں ایران کے صدارتی انتخابات سے قبل امریکا کے پاس جوہری معاہدے سے متعلق سمجھوتا طے کرنے کا وقت ہے۔