بھارتی فوج کی جانب سے لائن آف کنٹرول (ایل او سی) پر فائرنگ کر کے معصوم شہریوں کی زندگی نگلنے کا سلسلے تاحال نہیں رک سکا۔ پاک فوج کے شعبہ تعلقاتِ عامہ (آئی ایس پی آر) کے مطابق بھارتی فوج کی جانب سے ایل او سی پر بلااشتعال فائرنگ کی گئی ہے جس کے نتیجے میں 1 شہری شہید ہو گیا۔ آئی ایس پی آر کا کہنا ہے کہ بھارتی فائرنگ کے نتیجے میں 3 افراد زخمی بھی ہوئے ہیں جن میں 2 خواتین شامل ہیں۔ آئی ایس پی آر نے بتایا ہے کہ بھارتی فوج نے رکھ چکری اور خنجار سیکٹر میں شہری آبادی کو نشانہ بنایا ہے۔ آئی ایس پی آر کا مزید کہنا ہے کہ بھاتی فوج نے تری بند اور سماہنی گاؤں کی آبادی کو راکٹ اور مارٹر گولوں سے نشانہ بنایا۔ آئی ایس پی آر نے یہ بھی بتایا ہے کہ پاک فوج نے بھرپور جوابی کارروائی کر کے فائرنگ کرنے والی بھارتی چوکیوں کو نشانہ بنایا ہے۔
