امریکا کی اقتصادی دہشت گردی تھمی نہیں ،حسن روحانی

ایسی جنگ کسی اور ملک پر مسلط ہوتی تو اس کی اقتصادیات کا شیرازہ بکھر جاتا
تہران (نیوز ڈیسک) ایران کے صدر حسن روحانی نے ایرانی عوام کے خلاف امریکی پابندیوں کی جانب اشارہ کرتے ہوئے کہا ہے کہ امریکا کی غیرمعمولی اقتصادی دہشت گردی کا سلسلہ ابھی بھی جاری ہے ،ایران کو ایسی اقتصادی جنگ کا سامنا رہا ہے کہ جس کی کوئی مثال نہیں ملتی، بین الاقوامی ماہرین اعتراف کرتے ہیں کہ اگر کسی بھی دوسرے ملک پر ایسی اقتصادی جنگ مسلط کی گئی ہوتی تو اس کی اقتصاد یات کا شیرازہ بکھر جاتا، ہم نے ان تمام مسائل ومشکلات کو برداشت کیا یہاں تک کہ امریکی حکام ، ایرانی عوام کی بنیادی ضرورت کی چیزوں اور غذائی اشیا کے سلسلے میں بھی مداخلت کرتے ہیں اور ہم پر متعدد طرح کی پابندیاں عائد کئے ہوئے ہیں۔