امریکا معاہدہ سے نکلا واپسی بھی اسے ہی آنا چاہئے،امریکی رکن

ہم معاہدے میں واپس جائے بغیر ایران سے پاسداری کی توقع کیسے کر رہے ہیں
واشنگٹن(نیوز ڈیسک) امریکی ایوان نمائندگان کی ڈیموکریٹ رکن الہان عمر نے کہا ہے کہ امریکا ایٹمی معاہدے سے پہلے نکلا ہے تو معاہدے میں پہلے واپس بھی آنا چاہیے، خارجہ امور کمیٹی کے اجلاس سے خطاب میں الہان عمر نے کہا کہ ایسا دکھائی دیتا ہے کہ فریقین اس بات کا انتظار کر رہے ہیں کہ فریق مقابل پہل کرے اور یہ صورتحال ہمیں بند گلی میں لے گئی ہے،انہوں نے امریکی وزیر خارجہ کو مخاطب کرتے ہوئے کہا کہ حقیقت یہ ہے کہ ہم ہی وہ فریق تھے جس نے ایٹمی معاہدے سے علیحدگی اختیار کی تھی تو کیا معاہدے میں واپسی کے لیے پہل ہمیں نہیں کرنا چاہیے؟ اگر ہم ایٹمی معاہدے میں واپس نہیں جائیں گے تو ایران سے معاہدے کی پاسداری کی توقع کیسے کر رہے ہیں؟