Raza Musani 
اسلام آباد: مجلس علماء امامیہ پاکستان کے 5ویں سالانہ اجتماع کی مناسبت سے ڈاکٹر علامہ سید شفقت حسین شیرازی کی زیر صدارت "عظمت غدیر و عاشوراء‘‘ کانفرنس کا انعقاد ہوا، جس میں ملک کے مختلف شہروں سے علمائے کرام اور مبلغین نے شرکت کی۔ جی سکس ٹو امام بارگاہ اسلام آباد میں منعقدہ کانفرنس میں مجلس وحدت مسلمین پاکستان کے سیکریٹری جنرل علامہ راجہ ناصر عباس جعفری، علامہ سید حسنین گردیزی اور دیگر زعمائے ملت، علماء و مبلغین نے بھی بھرپور شرکت کی۔ کانفرنس سے خطاب کرتے ہوئے مقررین نے غدیر اور عاشورا کی تاریخ اسلام میں اہمیت پر تفصیلی روشنی ڈالی۔
