Raza Musani 
اسلام آباد : چیئرمین اسلامی نظریاتی کونسل ڈاکٹر قبلہ ایاز نے خبردار کیا ہے کہ بعض عناصر محرم کو خون آلود کرنا چاہتے ہیں، فرقہ وارانہ اور مسالک میں اختلافات پر مبنی مواد سوشل میڈیا پر عام کیا جا رہا ہے، توہین آمیز مواد کی مانیٹرنگ اور روک تھام کیلئے وزارتوں کی سطح پر کمیٹیاں بنا دی ہیں، اسلام آباد میں علماء کنونشن سے خطاب میں ڈاکٹر قبلہ ایاز نے کہا کہ اختلافی موضاعات علماء اور ماہرین کے لئے ہوتے ہیں، گلی محلوں میں انہیں موضوع بحث نہیں بنانا چاہیئے، اختلافات ختم نہیں ہوسکتے، تاہم ان کو کم کیا جا سکتا ہے، انہوں نے کہا کہ کسی ایسے مصنف اور واعظ کی حوصلہ افزائی نہیں کی جائیگی، جو فرقہ واریت پھیلانے میں ملوث ہو۔ سوشل میڈیا کو فرقہ واریت پھیلانے کے لیے استعمال کرنے والے عناصر کو قانون کے دائرے میں لانے کے لیے بلا تفریق مسلک و مذہب قانون نافذ کرنے والے اداروں سے تعاون کیا جائے گا۔
