پاکستان میں فرقہ واریت کا بیج بویا جارہا ہے،علامہ امین شہیدی

 یوم حسینؑ حضرت زینبؑ کی دعا کا نتیجہ ہیں ،علامہ اعجاز،جامعہ کراچی میں خطاب
کراچی (نیوزڈیسک) علامہ امین شہیدی نے کہا کہ پاکستان میں یزید کی حمایت میں ا ±ٹھنے والی آواز کے پیچھے وقت کے یزیدوں کا ہاتھ ہے، عرب ممالک کی اسرائیل کے ساتھ بڑھتی ہوئی دوستی اور تعلقات کو چھپانے کے لئے پاکستان میں فرقہ واریت کا بیج بویا جارہا ہے، آئی ایس او جامعہ کراچی اور دفتر مشیر امور طلبہ کی جانب سے منعقدہ یوم حسین ؑسے خطاب میں علامہ امین شہیدی نے کہا کہ عالمی استعمار کا ایجنڈا ہے کہ پاکستان میں بدامنی پھیلائی جائے اور پاکستان کو مجبور کردیا جائے کہ وہ اسرائیل کو قبول کرے، حسین ؑکے ماننے والے کبھی بھی وقت کے یزید کے ہاتھ پر بیعت نہیں کریں گے اور اپنے ملک کو بھی اس اقدام سے باز رکھیں گے ،علامہ اعجاز بہشتی نے کہا کہ آج کے دور میں منعقدہ ہونیوالے یوم حسینؑ حضرت زینبؑ کی دعا کا نتیجہ ہیں ، آج ہم بھی ذلت کو قبول نہیں کریں گے، ہم اسرائیل کو قبول نہیں کریں، تعلیمی اداروں میں کربلا شناسی پر ریسرچ ہونا چاہیئے اور ہم اس میں اپنا کردار ادا کریں گے،تحریک منہاج القران کے رہنما علامہ فیصل عزیزی نے کہا کہ یزید کا سگا بیٹا کہہ رہا ہے کہ میرے باپ نے حسین ابن علی ؑ کو قتل کیا لیکن آج یزید کے معنوی بیٹے کہتے ہیں نہیں نہیں یزید قاتل نہیں تھا،یوم حسین ؑکی صدارت شیخ الجامعہ ڈاکٹر خالد عراقی نے کی اور طلبا اور اساتذہ سمیت نان ٹیچنگ اسٹاف نے بھی بڑی تعداد میں شرکت کی