Raza Musani 
سری نگر : مقبوضہ کشمیر کی خصوصی حیثیت کے خاتمے کے 2 سال مکمل ہونے پر مقبوضہ وادی میں مکمل ہڑتال کی گئی اور کشمیریوں نے یوم سیاہ منایا، جمعرات کو بھارتی پولیس کی جانب سے زبردستی دکانیں کھلوانے کی کوششیں ناکام رہیں، لال چوک سری نگر کے احتجاجی مارچ کو روکنے کے لیے بھارتی فوج کی بھاری نفری تعینات رہی، کل جماعتی حریت کانفرنس کی اپیل پر وادی میں آدھے گھنٹے بلیک آؤٹ کیا گیا،ادھر لندن میں جموں و کشمیر لبریشن فرنٹ برطانیہ نے بھارتی ہائی کمیشن پر احتجاج کرتے ہوئے بھارت مخالف اور پاکستان زندہ باد کے نعرے لگائے۔
