Raza Musani 
شرم الشیخ : مصر میں کوپ 27 اجلاس میں غریب اور ترقی پذیر ممالک کو ماحولیاتی نقصان کا معاوضہ دینے کے تاریخی معاہدے پر اتفاق ہو گیا۔ مصر کے شہر شرم الشیخ میں ماحولیاتی تبدیلی پر اقوام متحدہ کی کانفرنس میں 200 ممالک نے معاہدے پراتفاق کیا۔ سی او پی کے صدر سمیع شوکرے نے معاہدے کی تفصیلات کا اعلان کیا۔ معاہدے کے تحت متاثرہ ممالک کو ماحولیاتی نقصان کا معاوضہ دینے کیلئے فنڈ قائم کیا جائے گا۔ اجلاس میں گلوبل وارمنگ ایک اعشاریہ پانچ ڈگری تک محدود رکھنے پر بھی اتفاق کیا گیا ہے ماحولیات کی تبدیلی سے متاثرہ ممالک نے معاہدے کا خیر مقدم کیا ہے۔ اقوام متحدہ کے سیکریٹری جنرل انتونیو گوتیرس کا کہنا ہے کہ یہ معاہدہ ایک انتہائی ضروری سیاسی اشارہ ہے لیکن خبردار کیا کہ یہ کافی نہیں ہوگا۔ فرانس کے صدر میکرون کا کہنا ہےکہ واحد فنڈ کے قیام کی تجویز نامناسب اور ناکافی ہے۔ انہوں نے سوال اٹھایا کہ فنڈ کی گورننس کون کرے گا، رقم کون دے گا؟ ۔
