فرانسیسی حکومت کی جانب سے حضور نبی کریم صلی اللہ علیہ و آلہ وسلم کی شان میں گستاخانہ خاکوں کی تائید اور حمایت کے بعد دنیا بھر میں غم و غصے کا اظہار اور احتجاج کا سلسلہ جاری ہے۔
لاہور میں جماعت اسلامی شعبہ خواتین کی جانب سے احتجاجی ریلی کا انعقاد کیا گیا۔ ریلی سے جماعت اسلامی لاہور کے امیر ذکر اللہ مجاہد اور جماعت اسلامی صوبہ پنجاب کے امیر نے خطاب کیا۔ ریلی میں شریک خواتین نے نبی کریم صلی اللہ علیہ و آلہ وسلم سے اظہار عقیدت کے طور پر آپؑ کے اسم گرامی کے کتبے اٹھا رکھے تھے۔ مظاہرین کا مطالبہ تھا کہ فراسنیسی حکام معافی مانگیں اور مستقبل میں ایسی حرکات سے اجتناب کریں۔
