دربار بی بی پاک دامنؒ کی تعمیر نو، زائرین پر عارضی پابندی

لاہور :حکومت پنجاب نے دربار بی بی پاک دامنؒ کی تعمیر نو کیلئے زائرین کی آمدورفت پر عارضی پابندی لگادی ہے محکمہ اوقاف کے مطابق مزار کی تعمیر نو میں داخلی ہال، عبادت کیلئے ہال اور مسافر خانہ کی تعمیر شامل ہے۔ گراؤنڈ فلور پر مرکزی ہال، لنگر خانہ، مردانہ بیت الخلا، زنانہ بیت الخلا، مردانہ عبادت گاہ، قرآن خوانی کا ہال، زنانہ عبادت گاہ اور قرآن خوانی کا ہال شامل ہو گا پہلے فلور میں مرکزی کمرے، مسافر خانہ، مردانہ و زنانہ علیحدہ علیحدہ عبادت گاہ اور قران خوانی ہال، داخلی گزر گاہ، گارڈز اور سیکیورٹی ہال، اندرونی گارڈز و سیکیورٹی کیلئے کمرہ شامل ہو گا۔ گراؤنڈ فلور پرخواتین اور معذوروں کیلئے ٹوائلٹ تعمیر کئے جائیں گے۔ پہلے فلور پر مردوں کیلئے 7 ٹوائلٹ کی تعمیر کی جائے گی, بیرونی گارڈز اور سیکیورٹی کے لئے کمرہ تعمیرکیا جائے گا، 18 فٹ پر محیط گنبد کی تعمیر کی جائے گی، تمام مقامات پر سی سی ٹی وی کیمرے نصب کئے جائیں گے۔ دربار کے احاطہ میں آگ بجھانے کے 30 عدد جدید آلات نصب کئے جائیں گے۔