ایران: قم میں نظام ِزندگی معمول کے مطابق رواں دواں

قم المقدس(نیوزڈیسک)ایران کے شہرقم میں کورونا وائرس میں متعدد افراد کے مبتلا ہونے کی خبروں کے بعد بھی شہربھرمیں نظام زندگی معمول کے مطابق جاری و ساری ہے۔شہر میں صورتحال معمول کے مطابق ہے ٹریفک روانی کے ساتھ موجود ہے اور شہری طبی اصولوں پر بھرپور طریقے سے عمل کررہے ہیں۔شہری،دوا خانوں سے ماسک خرید رہے ہیں اور بغیر کسی ضرورت کے سڑکوں پر گھومنے سے بھی اجتناب کررہے ہیں۔واضح رہے کہ وزارت صحت کی جانب سے ضروری ہدایات میں کہا گیا ہے کہ بنیادی حفاظتی تدابیر اختیار کرکے ہی ہم اپنے آپ اور اپنے گھر والوں کو اِس وائرس سے محفوظ بنا سکتے ہیں۔