امریکا نقصانات کی تلافی کرے اور شام سے نکل جائے

امریکا نے ایسی دہشت گردانہ جنگ شروع کی جس کی مثال نہیں ملتی،شام
 دمشق(نیوز ڈیسک) شام کی وزارت خارجہ نے امریکی جرائم کا ذکرکرتے ہوئے کہا ہے کہ امریکا شامی عوام کے خلاف جارحیت اور غاصبانہ قبضے سے ہونے والے نقصانات کی تلافی کرے اور شام سے فی الفور نکل جائے ،امریکا اور دنیا بھر کے امریکی زرخریدوں نے شام کے خلاف ایسی دہشت گردانہ جنگ شروع کی ہے جس کی کوئی مثال نہیں ملتی ،اس جنگ کے اہداف ایسے تخریبی منصوبوں اور خبیث سازشوں پرعمل کرنا ہے جس کے ذریعے علاقے میں امریکہ کی فوجی موجودگی مستحکم ہو اور علاقے کے ذخائر اور وسائل پر اسرائیل کا تسلط قائم ہوجائے ، امریکا نے شام کے اندر اور باہر دہشت گردانہ حملے کرانے کے لئے داعش کے دہشت گردوں کو استعمال کیا اور شام میں براہ راست فوجی مداخلت کر کے ان بنیادی ڈھانچوں کو تباہ و برباد کردیا جنھیں شامی عوام نے اپنے وسائل اور جدوجہد سے تعمیر کیا تھا۔