اسرائیلی گیس کے کنوویں حزب اللہ کے نشانہ پر

 اسرائیلی بحریہ شدید خطرات میں گھری ہوئی ہے،اسرائیلی نیول کمانڈر
مقبوضہ بیت المقدس(نیوز ڈیسک) حزب اللہ ا پنے میزائلوں سے سمندر میں اسرائیلی گیس کے کنووں کو بآسانی نشانہ بنانے کی صلاحیت رکھتا ہے، اس بات کا دعویٰ اسرائیلی شہر حیفا کے نیول بیس کمانڈر گیل ایگنیسی نے صہیونی اخبار اسرائیل ہیوم سے بات چیت میں کیا، اسرائیلی کمانڈر نے کہا کہ حزب اللہ اس وقت بھی اپنی فوجی صلاحیتوں میں مسلسل اضافہ کر رہا ہے تاکہ آئندہ کی کسی بھی لڑائی میں وہ سمندر کے اندر موجود گیس کے اسرائیلی کنووں کو مزید آسانی کے ساتھ نشانہ بنا سکے، اسرائیلی بحریہ سمندر کی سطح کے اوپر اور نیچے، دونوں حوالوں سے شدید خطرات میں گھری ہوئی ہے، جب سے حزب اللہ نے 33 روزہ جنگ کے دوران ہمارے جنگی بحری بیڑے کو نشانہ بنایا ہے ،اسرائیلی جنگی کشتیاں اب لبنانی ساحل سے کم از کم 16 کلومیٹر کے فاصلے پر رہتی ہیں