قرآن و حدیث میں نیک کاموں کو جلد انجام دینے پرزور دیا گیا، حافظ ریاض نجفی

لاہور (پ ر ) وفا ق المدارس الشیعہ پاکستان کے صدر حافظ سید ریاض حسین نجفی نے کہا ہے کہ قرآن و حدیث میں نیکی و اچھائی کے کاموں کو جلد انجام دینے پر زور دیا گیا ہے تاکہ شیطان یا کوئی انسان اس میں رکاوٹ نہ ڈالے، اگر چہ قرآن کے حقیقی وارث رسول ِ خدا اور ان کے اہل بیتؑ ہیں لیکن جو جس قدر قرآن پر عمل کرے گا وہ بھی ایک حد تک قرآن کا وارث ہوگا۔جامع علی مسجد جامعتہ المنتظر ماڈل ٹاﺅن میں خطبہ جمعہ میں انہوں نے کہا کہ رسول ِ خدا نے رحلت سے 6ماہ قبل اپنے حقیقی وارثوں یعنی اہل بیتؑ کا تعارف کرا دیا تھا اور فرمایا تھا کہ تم میں دو گراں قدر چیزیں چھوڑ کر جا رہا ہوں ایک قرآن اور دوسرے اہل بیت ؑ ، جب تک ان سے متمسک رہو گے ہر گز گمراہ نہ ہوگے ۔