علامہ ضمیر اختر نقو ی آہوں او رسسکیوں میں سپرد خاک

 مرحوم کی میت کو ایک بڑے جلوس کی شکل میں وادی حسین ؑلے جایا گیا
 کراچی (نیوز ڈیسک) نامور خطیب اہل بیتؑ اور محقق علامہ ڈاکٹر سید ضمیر اختر نقو ی کو آہوں او رسسکیوں میں ہزاروں چاہنے والوں کی موجودگی میں وادی حسین ؑمیں سپرد لحد کردیا گیا، مرحوم کی نماز جنازہ مسجد وامام بارگاہ شہدائے کربلا انچولی سوسائٹی میں علامہ سید خورشید عابدنقوی کی زیر اقتداداکی گئی، جس میں سیاسی ومذہبی جماعتوں کے رہنماو ¿ں سمیت شیعہ علما ، خطبا ، صاحبان بیاض، ماتمی انجموں ، ٹرسٹیز، نوحہ خوانوں سمیت مختلف شعبہ ہائے زندگی سے تعلق رکھنے والے افراد نے شرکت کی، ان کی میت کو ایک بڑے جلوس کی شکل میں وادی حسین ؑلے جایا گیا، علامہ ڈاکٹر ضمیر اختر نقوی حرکت قلب بند ہوجانے کے سبب کراچی کے ایک نجی اسپتال میں اپنے خالق حقیقی سے جا ملے تھے ،علامہ ضمیر اختر نقوی کے انتقال پر سیاسی ومذہبی شخصیات کے علاوہ وزیر اعظم پاکستا ن عمران خان، وزیر اعلیٰ سندھ مراد علی شاہ، گورنر سندھ عمران اسماعیل ، وزیر اعلیٰ پنجاب عثمان بزدار سمیت دیگر حکومتی شخصیات نے بھی دلی افسوس اور تعزیت کا اظہار کیاہے