Ilyas 
سیاسی شخصیات کے احترام اور پارلیمنٹ کے غیر ملکی فوجیوں کے انخلا اور ٹائم فریک ورک دینے تک ایک موقع دیتے ہیں کہ وہ عراق سے نکل جائیں،مزاحمتی تنظیمیں
امریکیوں کو اپنے پیروں سے چل کر عراق سے نکل جانا چاہیے اور اگر وہ ایسا نہیں کرتے تو پھر انہیںتابوتوں میں یہاں سے نکالیں گے، عراقی حزب اللہ کا انتباہ
بغداد(نیوزڈیسک)عراق کی مزاحمتی تنظیموں نے اپنی کارروائیاں روکنے کا اعلان کرتے ہوئے امریکی فوجیوں کو انخلا کیلئے الٹی میٹم دے دیا،تنظیموں نے دوٹوک الفاظ میں کہا ہے کہ امریکی فوجی یا تو اپنی مرضی سے عراق سے نکلیں گے یا انھیں نکالا جائے گا،تنظیموں نے اپنے مشترکہ بیان میں کہا ہے کہ ملک کی سیاسی اور اہم شخصیات کے احترام اور عراقی پارلیمنٹ کے امریکی اور غیر ملکی فوجیوں کے انخلا اور ٹائم فریک ورک دینے تک انہیں ایک موقع دیتے ہیں کہ وہ عراق سے نکل جائیں اُس وقت تک ان کے خلاف کارروائی نہیں کی جائے گی، انہوں نے امریکا کو خبردار کیا کہ عراقی عوام کے فیصلے کو عملی جامہ پہنانے کیلئے اگر انہوں نے لیت و لعل سے کام لیا یا پھر دھوکہ دہی کی کوشش کی تو اس کے سنگین نتائج بر آمد ہوں گے ، عراقی حزب اللہ بریگیڈ کے ترجمان محمد محیی نے ایک علیحدہ بیان میں کہا کہ امریکیوں کو اپنے پیروں سے چل کر عراق سے نکل جانا چائیے اور اگر وہ ایسا نہیں کرتے تو پھر وہ افقی صورت میں (تابوتوں میں) یہاں سے نکلیں گے ،امریکا ہمارے لیے ایک دہشت گرد دشمن ہے اور الحشد الشعبی کی تحلیل کیلئے کوشش کر رہا ہے لیکن اسے شکست کا سامنا کرنا پڑے گا،انہوں نے امریکی افواج کے انخلا کیلئے عراقی قوم کے عزم مصمم پر زور دیا اور پارلیمنٹ سے مطالبہ کیا کہ وہ اس سلسلے میں اپنے بل کو جلد از جلد نافذ کرے
