اسرائیل نے جمعہ کی صبح شام کے صوبہ حلب پر میزائل حملہ کیا جسے شامی فوج نے ناکام بنا دیا۔ شامی فوج نے حلب شہر کے قریب السفیرہ علاقے میں اسرائیل کے میزائل حملوں کو ناکام بنا دیا۔ شامی فوج کے اینٹی ایر کرافٹ یونٹ نے فوری کارروائی کرتے ہوئے اسرائیل کی جانب سے داغے جانے والے میزائلوں کو نشانہ بنا کر فضا ہی میں تباہ کر دیا۔
صہیونی حکومت، اس سے پہلے بھی کئی بار دہشت گردوں کی حمایت میں شامی فوج اور اس ملک کی بنیادی تنصیبات کو نشانہ بناتی رہی ہے۔
یاد رہے کہ دو ہزار گیارہ میں امریکہ اور عرب ممالک کے حمایت یافتہ دہشتگردوں نے شام میں سیکیورٹی بحران کو ہوا دی تاہم شامی فوج نے ایران، استقامتی قوتوں اور روس کی مدد سے خونخوار دہشتگردوں منجملہ تکفیری ٹولے داعش کو باضابطہ طور پر شکست دی، تاہم اب بھی ملک کے بعض علاقوں میں امریکہ کے حمایت یافتہ دہشتگرد عناصر سرگرم عمل ہیں۔
