Ilyas امارات نے معاہدہ کرکے عالم اسلام میں رسوائی کا سامان فراہم کیا،مظاہرین
تہران(نیوز ڈیسک) صہیونی حکومت اور متحدہ عرب امارات کے درمیان شرمناک معاہدے کے خلاف احتجاج کا سلسلہ بدستور جاری ہے،ایرانی طلبا نے تہران میں متحدہ عرب امارات کے سفارتخانے کے سامنے مظاہرہ کرتے ہوئے علاقے میں اسرائیل کی دشمنانہ پالیسی کی مذمت کی ، مظاہرین نے بینرز اور پلے کارڈزاٹھارکھے تھے۔ مظاہرین نے امریکا مردہ باد، اسرائیل مردہ باد کے فلک شگاف نعرے لگاتے ہوئے عالمی سامراج کے خطرناک اقدامات سے اپنی نفرت و بیزاری کا اظہار کیا ، مظاہرین نے معاہدے کو شیطانی معاہدہ قرار دیتے ہوئے کہا کہ متحدہ عرب امارات نے یہ معاہدہ کرکے عالم اسلام میں اپنی رسوائی کا سامان فراہم کیا ہے
