Ilyas بھارت پاکستان کے ٹکڑے، فرقہ وارانہ فسادات اور علمائے کرام کو قتل کرانا چاہتا ہے، پاک فوج کو کمزور کرنے میں ہمارے دشمنوں کی دلچسپی ہے
خدا کے واسطے اپنی آنکھیں کھولیں اور لیبیا، عراق، شام، افغانستان، یمن اور پوری مسلم دنیا میں لگی آگ دیکھیں، فوج نہ ہوتی تو ملک کے3ٹکڑے ہو جاتے
اسلام آباد(نیوز ڈیسک) وزیراعظم عمران خان نے کہا ہے کہ بھارت پاکستان کے ٹکڑے، فرقہ وارانہ فسادات اور علمائے کرام کو قتل کرانا چاہتا ہے،نجی ٹی وی سے انٹرویو میں عمران خان نے کہا کہ پاک فوج کو کمزور کرنے میں ہمارے دشمنوں کی دلچسپی ہے۔ میں کہتا ہوں کہ خدا کے واسطے اپنی آنکھیں کھولیں اور لیبیا، عراق، شام، افغانستان، یمن اور پوری مسلم دنیا میں لگی آگ دیکھیں اور اگر آج ہماری پاکستانی فوج نہ ہوتی تو ملک کے3ٹکڑے ہو جاتے، اللہ کا شکر ہے کہ پاکستانی ایجنسیوں نے بھارتی سازش پکڑ لی، ان کا کہنا تھا کہ نواز شریف کا ون پوائنٹ ایجنڈا اپنی دولت بچانا ہے۔ وہ دوسرے متحدہ کے بانی بن گئے ہیں، یہ لوگ پاک فوج کے خلاف مہم چلا رہے ہیں، نواز شریف فوج اور عدلیہ کو نشانہ بنا رہے ہیں۔ میں پرویز مشرف کی طرح پریشر میں آ کر این آر او نہیں دوں گا۔ اقتدار چھوڑ دوں گا این آر او نہیں دوں گا، عمران خان کا کہنا تھا کہ میں نے کبھی نہیں کہا کہ امپائر کی انگلی کا مطلب فوج ہے۔ میرا اشارہ اللہ کی طرف تھا، میرا امپائر اللہ ہے
