ایران نے معاشی مشکلات میں بھرپور مدد کی ،حماس

2006میں شہید قاسم سلیمانی نے انہیں 2 کروڑ 20لاکھ ڈالر دیے
 غزہ (نیوز ڈیسک) ایران نے معاشی مشکلات کے دوران حماس کو بھرپور مالی مدد فراہم کی ، اس بات کا اعتراف حماس کے سینئر رہنما محمود الزہار نے ایرانی العالم ٹی وی چینل سے انٹرویو میں کیا ،انہوں نے کہا کہ 2006میں انہوں نے بحیثیت وزیر خارجہ ایرانی صدر محمود احمدی نڑاد سے ملاقات کی اور انہیں غزہ کی ناکہ بندی کے بعد ملازمین کی تنخواہوں اور معاشرتی حالات سے آگاہ کیا ،ایرانی صدر نے ہماری مشکلات دور کرنے کی ذمہ داری شہید جنرل قاسم سلیمانی کو سونپی، اور جب وہ واپس فلسطین آنے کیلئے ایئرپورٹ پہنچے تو قاسم سلیمانی نے ہمیں بیگ تھمائے جن میں 2 کروڑ 20لاکھ ڈالر کی رقم تھی،یہ ان کی قاسم سلیمانی سے پہلی ملاقات تھی