اسرائیل سے معاہدے کرنیوالوں کو کچھ نہیں ملے گا،حزب اللہ

اسرائیل کے ساتھ تعلقات کا کوئی جواز پیش نہیں کیا جا سکتاہے
 بیروت (نیوز ڈیسک) حزب اللہ کے نائب سیکریٹری جنرل شیخ نعیم قاسم کا کہنا ہے کہ اسرائیل سے تعلقات استوار کرنے والے ممالک کو کوئی فائدہ نہیں پہنچے گا اور نہ ہی صہیونی حکومت کے ساتھ تعلقات کا کوئی جواز پیش کیا جا سکتاہے، اسرائیل کے ساتھ سازش کرنے والے متحدہ عرب امارات اور بحرین کو کوئی فائدہ نہیں ملے گا صہیونی حکومت کے ساتھ کچھ عرب ممالک کی سازش، ان ممالک کے حقیقی چہرے دنیا کے سامنے آنے کا سبب بنے ہیں ، فلسطین کے لئے ان ممالک کی منافقت دنیا پر واضح ہو گئی ہے ،ان کا کہنا تھا کہ مزاحمت سے فلسطین کی آزادی کا حتمی نتیجہ برآمد ہوگا اور بیت المقدس کی آزادی صرف مزاحمت سے ہی حاصل ہوگی