Raza Musani 
غزہ : غزہ سے توجہ ہٹنے پر صیہونی فوج نے فلسطینیوں کے قتل عام میں اضافہ کردیا ہے۔ چوبیس گھنٹوں کے دوران مزید بیاسی فلسطینی شہید کردئے گئے۔صیہونی فوج نے وسطی اور جنوبی غزہ میں انسانی امداد کے منتظر بھوکے اور مظلوم فلسطینیوں پر گولیاں برسادیں اور انہیں ڈرونز حملے کا بھی نشانہ بنایا۔
صیہونی درندگی کے نتیجے میں چونتیس فلسطینی شہید اور متعدد زخمی کردئےگئے۔
دیر البلاح کے مغرب میں ایک مکان پر جیٹ طیاروں نے بمباری کی جس میں متعدد فلسطینی شہید ہوگئے۔ اسپتال ذرائع کے مطابق وسطی غزہ میں کم از کم 37 فلسطینی شہید کئے گئے۔ جبکہ غزہ سٹی میں 23 افراد کو شہید کیا گیا۔ غزہ کے سرکاری میڈیا آفس کے مطابق اب تک صیہونی فوج امداد کے متلاشی 409 فلسطینی شہید اور 3,203 زخمی کرچکی ہے۔
