Raza Musani 
غزہ : صیہونی فوج کے غزہ پر وحشیانہ حملے جاری ہیں۔ چوبیس گھنٹوں میں مزید دوسو افراد شہید اور تین سو سے زائد زخمی ہوگئے۔ صیہونی جنگی طیاروں نے خان یونس میں العمل اسپتال کے قریب بم گرادئے۔ حملے میں بیس افراد شہید اور کئی زخمی ہوئے۔ دیرالبلاح میں مسجد, مغازی پناہ گزین کیمپ میں گرلز اسکول۔ جبالیہ میں رہائشی عمارتیں صیہونی بمباری کا نشانہ بنیں۔ جنگی طیاروں اور ڈرون کے حملوں میں سینکڑوں افراد شہید اور زخمی ہوگئے۔
شمالی غزہ سے گرفتار کیے گئے اسی فلسطینیوں کی کٹی پٹی اور مسخ شدہ لاشیں مل گئیں۔ فلسطینی وزارت صحت کے مطابق ملنے والی لاشوں کے اعضا نکال لیے گئے ہیں۔ جس پر تشدد کے نشانات بھی موجود ہیں. رفح میں لائی گئی لاشوں کی اجتماعی قبر میں تدفین کردی گئی ہے۔ فلسطینی وزارت صحت نے لاشوں کی بے حرمتی اور میڈیکل رپورٹ اقوام متحدہ کے انسانی حقوق کمیشن کو بھجوا دی۔ لاشوں کی بے حرمتی جنگی جرائم میں شامل ہے۔
ادھر مغربی کنارے میں نورشمس کیمپ میں ڈرون حملے میں چھ فلسطینی شہید ہوگئے۔
