Raza Musani 
نابلس : صیہونی فوج نے مغربی کنارے کے علاقے طولکرم پر چڑھائی کردی۔ فائرنگ سے دو فلسطینی شہید ہوگئے۔ صیہونی فوج نے طولکرم میں شوفا گاؤں کے قریب فلسطینیوں کی گاڑی پر گولیاں برسائیں، فائرنگ سے کار سوار فلسطینی شہید ہوگئے جن کی شناخت 23 سالہ عبدالرحمان عطا اور 27 سالہ حذیفہ فارس کے نام سے ہوئی ہے۔ دونوں مقتول فلسطینیوں کا تعلق طولکرم کیمپ سے ہے ۔ اسرائیلی اسپیشل فورس نے تلکرم کیمپ پر دھاوا بول دیا اس موقع پر نوجوانوں اور قابض فوجیوں کے درمیان پرتشدد جھڑپیں ہوئیں، جنہوں نے ان پر براہ راست گولیاں، اسٹن گرنیڈ اور زہریلی گیس پھینکی۔ گولیاں لگنے سے دو افراد زخمی ہوئے۔اس سے پہلے شوفہ کے نزدیک صیہونی فوج کی فائرنگ سے دو فلسطینی نوجوان زخمی ہوگئے۔ صیہونی فوجیوں نے نابلس کے مشرق میں واقع بلاتا پناہ گزین کیمپ پر بھی چھاپہ مارا۔ اسرائیلی فائرنگ سے ایک نوجوان زخمی ہو گیا، جب کہ دوسرے کو حراست میں لےلیا گیا۔ گذشتہ روز حضرت یوسف کے مقبرے پر صیہونی آبادگاروں نے دھاوا بولا اس موقع پر فلسطینیوں نے مزاحمت کی جسے کچلنے کیلئے صیہونی فوجیوں نے فائرنگ کی۔ جس سے تین فلسطینی زخمی ہوگئے۔
