Raza Musani 
بیروت: صیہونی فوج نے لبنان میں اقوام متحدہ کی امن فورس پر حملے شروع کردیے اور الٹی میٹم دیا ہے کہ اقوام متحدہ کی امن فورس جنگ زدہ علاقوں سے فوری نکل جائیں۔ اسرائیلی فوج کے بار بار کہنے پر بھی امن فورس نے علاقہ نہیں چھوڑا۔ جمعرات سے اب تک 3 اسرائیلی حملوں میں امن فورس کے 5 اہلکار زخمی ہوئے ہیں۔
ادھر لبنانی علاقے نباطیہ پر حملے میں سترہ افراد شہید اور بارہ زخمی ہوگئے۔ صیہونی فوج نے نباطیہ میں رہائشی عمارتوں کو نشانہ بنایا۔ میزائل لگنے سے عمارتیں تباہ ہوگئیں اور کئی افراد ملبے تلے دب گئے۔۔ ریسکیو ٹیموں نے کئی گھنٹوں بعد لاشوں کو نکال کر اسپتال منتقل کیا۔ حملے سے علاقے میں خوفناک آگ بھڑک اٹھی.
صیہونی فوج نے جنوبی لبنان کے علاقے کفر طبنیعت میں ایک قدیمی مسجد کو میزائل مار کر تباہ کردیا۔
حزب اللہ نے اسرائیل کے زیر قبضہ کئی بستوں کو نشانہ بنایا۔ کریات شمونہ میں بڑے پیمانے پر نقصان ہوا۔ اور وہاں آگ بھڑک اٹھی۔
