Raza Musani 
صنعا : یمنی فوجی نے غزہ کی حمایت میں اسرائیل پر ڈرون حملے کرکے افراتفری مچادی۔ یمن سے 4 ڈرونز فائر کیے گئے ۔ ایک ڈرون جنوبی شہر ایلات کے رامون ایئرپورٹ سے ٹکرایا۔ جس سے رامون ایئرپورٹ کے پیسنجر ہال کو نقصان پہنچا اور 2 افراد زخمی ہوئے ہیں، جس کے بعد رامون ایئر پورٹ پر فضائی آپریشن روک دیا گیا ہے۔ اسرائیلی فوج نے تین ڈرون مار گرانے کا دعویٰ کیا ہے۔ ایئرپورٹ انتظامیہ کا کہنا ہے کہ ایئرپورٹ پر پروازوں کی بحالی کے لیے کام جاری ہے۔
