Raza Musani 
عدن : یمنی شہریوں نے سعودی اتحاد کے زیر قبضہ جنوبی صوبے عدن میں ابتر اقتصادی و سیکیورٹی صورتحال کے خلاف مظاہرہ کیا اور موجودہ حالت کا ذمہ دار سعودی اتحاد کو قرار دیا۔ مظاہرین نے شہریوں کی معاشی بدحالی اور سیکیورٹی کی صورت حال پر احتجاج کرتے ہوئے شہر کی اہم سڑکوں کو بند کردیا۔ مظاہرین کی بڑی تعداد صدارتی کونسل کے مرکز میں گھس گئی۔ مظاہرین سعودی نواز کونسل کے خلاف احتجاج کررہے تھے۔ مظاہرین نے بجلی سپلائی سمیت دیگر سروسز کو بہتر بنانے کا بھی مطالبہ کیا۔ مظاہرین نے سعودی عرب سے وابستہ کٹھ پتلی حکومت کے خاتمے اور بدعنوان حکام پر مقدمہ چلانے کا پر زور مطالبہ کیا۔ مظاہرین کا کہنا ہے کہ موجودہ تمام بحرانوں کی ذمہ دار جارح سعودی اتحاد اور صدارتی کونسل ہے۔مظاہرین نے خبردار کیا ہے کہ اگر ان کے مطالبات پر توجہ نہ دی گئی تو وہ احتجاج تیز کردیں گے۔
