جنگ بندی کے بغیر یرغمالی رہا ہونگے نہ ہی مذاکرات، حماس

بیروت : حماس نے جنگ روکے بغیر صیہونی حکومت کے ساتھ کسی بھی قسم کے رابطوں سے انکار کردیا ہے۔ بیروت میں نیوز کانفرنس کے دوران حماس کے رہنما اسامہ حمدان نے کہا کہ مذاکرات کا دوبارہ شروع کیا جانا لازمی طور پر جنگ بندی سے منسلک کیا جانا چاہئے۔ جنگ بندی کے بغیر صرف یرغمالیوں کی رہائی پر مذاکرات نہیں ہو سکتے۔ انہوں نے کہا کہ قطر ،مصر اور امریکہ کی ثالثی میں ہونے والی جنگ بندی اسرائیلی ضد کی وجہ سے ختم ہوئی ہے۔ ادھر صیہونی وزیراعظم نیتن یاہو کا کہنا ہے کہ مزید قیدیوں کی رہائی کے لیے حماس کے ساتھ بات چیت جاری ہے لیکن ہم بمباری کے دباؤ میں بات کر رہے ہیں۔ جنگی کونسل فوجی فیصلوں کے حوالے سے لاپرواہی سے دور رہتے ہوئے تیزی سے آگے بڑھ رہی ہے۔ اسرائیل جنوبی اور شمالی محاذوں پر توجہ مرکوز کر رہا ہے۔