مغربی کنارے میں تشدد بلند ترین سطح پر پہنچ چکا ہے، امریکی رپورٹ

واشنگٹن : مغربی کنارے میں فلسطینیوں کے خلاف صیہونی فوج اور غیر قانونی آباد کاروں کا تشدد بلند ترین سطح پر پہنچ گیاہے۔ امریکی محکمہ خارجہ کی دو ہزار چوبیس کی انسانی حقوق سے متعلق رپورٹ میں کہا گیاہےکہ 2005 سے جب سے اعداد وشمار جمع کرنے کا سلسلہ شروع کیا گیاہے گذشتہ سال مغربی کنارے میں تشدد کی یومیہ سطح سب سے زیادہ رہی۔
رپورٹ میں مقبوضہ مغربی کنارے اور غزہ میں انسانی حقوق کی خلاف ورزیوں کی تفصیل دی گئی ہے۔جس میں جان بوجھ کر یا غیر قانونی ہلاکتیں۔ آزادی اظہار اور میڈیا کی آزادی پر سنگین پابندیاں شامل ہیں۔ ترک نژاد عائشہ نور کا قتل بھی ریکارڈ کا حصہ ہے۔ جسے چھ ستمبر کو نابلس کے قریب غیر قانونی اسرائیلی بستیوں کے خلاف مظاہرے میں شرکت کے دوران اسرائیلی اسنائپر نے سر میں گولی ماری تھی۔