منی پور میں ایک بار پھر تشدد بھڑک اٹھا، فائرنگ سے 3 افراد ہلاک

نئی دہلی: ہندوستانی ریاست منی پور میں ایک وقفے کے بعد ایک بار پھر تشدد بھڑک اٹھا۔ منی پور میں تشدد کا تازہ واقعہ ٹنگ کھل گاؤں میں پیش آیا۔ جہاں میتی شرپسندوں نے پہلے گاؤں کی ڈیوٹی پوسٹ پر حملہ کیا۔ جہاں تعینات تین کوکی رضاکار مارے گئے۔ واقعہ کے بعد مسلح شرپسندوں اور کوکی رضاکاروں کے درمیان فائرنگ کا تبادلہ ہوا۔ واقعہ کے بعد بی ایس ایف سمیت دیگر سیکیورٹی فورسز موقع پر پہنچ گئیں اور علاقے کو گھیرے میں لے کر سرچ آپریشن شروع کر دیا۔ اُدھر صوبے کی قبائلی خواتین کے گروپوں نے نئی دہلی میں احتجاج کیا اور پہاڑی اضلاع کے لیے علیحدہ انتظامیہ کا مطالبہ کیا تاکہ امن، ترقی اور طاقت کے توازن کو یقینی بنایا جا سکے۔ انہوں نے فساد سے متاثرہ افراد سے اظہار یکجہتی کیا۔