Raza Musani 
لاہور: اسلامی نظریاتی کونسل کے چیئرمین علامہ راغب نعیمی نے کہاہے کہ غیر اخلاقی یا غیر قانونی امور تک رسائی دینے والے انٹرنیٹ یا سافٹ ویئر کا استعمال شرعاً ممنوع ہے۔ انکا کہنا تھا کہ غیر قانونی مواد یا بلاک شدہ ویب سائٹس تک رسائی کےلیے وی پی این کا استعمال شرعی لحاظ سے ناجائز ہے۔ علامہ راغب نعیمی نے مزید کہا کہ متنازعہ، گستاخانہ اور ملکی سالمیت کے خلاف استعمال ہونے والی ایپس فوری بند کی جانی چاہئیں۔ انھوں نے کہا کہ حکومت کو شرعی لحاظ سے برائی اور برائی تک پہنچانے والے تمام اقدامات کا انسداد کرنے کا اختیار ہے۔
