Raza Musani 
سڈنی : آسٹریلیا کے شمال میں فوجی مشقوں کے دوران میں امریکا کا ایک فوجی ہیلی کاپٹر گر کر تباہ ہو گیا ہے جس کے نتیجے میں تین امریکی فوجی ہلاک اور بیس زخمی ہوگئے ہیں۔ آسٹریلوی وزیر اعظم انتھونی البانیز نے حادثے کو المناک قرار دیا ہے۔
حادثے میں زخمی پانچ افراد کی حالت تشویش ناک ہے اور انھیں رائل ڈارون اسپتال منتقل کیا گیا ہے۔ ایم وی 22 بی اوسپرے ہیلی کاپٹر معمول کی تربیتی مشقوں کے دوران گر کر تباہ ہوا ہے۔ اس پر کل 23 میرینز سوار تھے, حادثے کی وجوہ کی تحقیقات کی جا رہی ہے۔
