شام میں امریکی فوجی اڈے پر بارودی ڈرونز سے حملہ

دمشق : شام میں امریکا اور اتحادی فوج کے التنف فوجی اڈے پربارودی ڈرونز سے حملہ کیا گیا ہے۔ حملے کے بعد فوجی اڈہ اور اطراف کا علاقہ زور دار دھماکوں سے گونج اٹھا۔ شام میں کسی بھی امریکی چھاؤنی پر یہ اپنی نوعیت کا پہلا حملہ قرار دیا جاتا ہے۔ 55 کلو میٹر کے رقبے پر پھیلے فوجی اڈے پر ڈرون حملے کے بعد سیکیورٹی ہائی الرٹ کردی گئی ہے۔ عراق اور اردن کی سرحد پر واقع اس اڈے پر امریکا اور برطانیہ کی فوج تعینات ہے۔ عراقی سیکیورٹی ذرائع نے بتایا کہ 5 ڈرونز نے امریکی فوجی اڈے کو نشانہ بنایا ۔ اور یہ حملہ شام کے اندر سے کیا گیا۔ حملے میں امریکی فوج کو کوئی جانی نقصان نہیں ہوا۔