Raza Musani 
جدہ : اسلامی تعاون تنظیم او آئی سی نے جبری نقل مکانی کیلئے رفح کراسنگ کو یکطرفہ طور پر کھولنے کے فیصلے کو جنگی جرم اور بین الاقوامی قانون کی کھلی خلاف ورزی قرار دیا ہے۔
او آئی سی نے خبردار کیا کہ اسرائیل کی جارحیت اور قوانین کی خلاف ورزیاں خطے اور بین الاقوامی سطح پر امن و استحکام کے لیے خطرہ ہیں۔ او آئی سی نے عالمی برادری، خصوصاً اقوامِ متحدہ کی سلامتی کونسل سے مطالبہ کیا کہ اسرائیل پر دباؤ ڈالے تاکہ صدر ٹرمپ کے امن منصوبے کو مکمل طور پر نافذ کیا جا سکے اور رفح کراسنگ دونوں سمتوں میں محفوظ اور مستقل طور پر کھولی جائے۔تنظیم نے مستقل اور منصفانہ امن کے لیے بین الاقوامی کوششوں کی ضرورت پر زور دیا، تاکہ اسرائیلی قبضے کا خاتمہ ہو، دو ریاستی حل نافذ ہو اور مشرقی یروشلم کو دارالحکومت رکھتے ہوئے آزاد فلسطینی ریاست قائم کی جا سکے۔
