غزہ میں اقوام متحدہ کے کارکن غیر محفوظ ہیں، فلپ لازارینی

غزہ: فلسطین کے لیے اقوام متحدہ کی ایجنسی انروا کے سربراہ فلپ لازارینی نے کہا ہے کہ غزہ میں اقوام متحدہ کے کارکن خود کو غیر محفوظ تصور کرتے ہیں۔ اقوام متحدہ کے مطابق غزہ میں ایک ماہ میں انروا کے آٹھ کارکن اسرائیلی فوج کے حملوں میں جاں بحق ہوئے ہیں۔اسرائیلی فوج مسلسل اسکولوں اور امدادی مراکز پر حملے کررہے ہیں جس میں جانی نقصان کے ساتھ امداد کے لیے جمع کیا گیا سامان بھی تباہ ہورہا ہے۔ اسرائیلی فوج جان بوجھ کر اقوام متحدہ کے کارکنوں پر فائرنگ کررہی ہے جس سے امدادی سرگرمیوں میں تعطل پیدا ہوتا ہے۔ فلپ لازارینی نے مزید کہا کہ موجودہ حالات میں غزہ میں امدادی سرگرمیاں بحال رکھنا انتہائی دشوار ہے۔