انسانی حقوق کی صورتحال پر اقوام متحدہ کی رپورٹ کا خیر مقدم

جدہ : اسلامی تعاون تنظیم نے مقبوضہ فلسطینی علاقوں میں انسانی حقوق کی صورتحال پر اقوام متحدہ کی رپورٹ کا خیرمقدم کیا ہے اور عالمی برادری پر زور دیا ہےکہ البانیز کی رپورٹ کی سفارشات پرعمل کرے۔
او آئی سی نے ایک بیان میں کہا ہےکہ رپورٹ میں اسرائیلی قبضے کی جانب سے فلسطینیوں، خصوصاً قیدیوں کے خلاف منظم، دانستہ اور وسیع پیمانے پر تشدد کے استعمال کو قانونی طور پر دستاویزی شکل دی گئی ہے۔ او آئی سی نے اپنے بیان میں مقبوضہ فلسطینی علاقوں میں انسانی حقوق کی صورتحال پر البانیز کے اہم کردار کی حمایت کا اعادہ کرتے ہوئے عالمی برادری سے مطالبہ کیا کہ وہ اپنی قانونی، سیاسی اور اخلاقی ذمہ داریاں پوری کرے۔ رپورٹ کی سفارشات پرعمل کرے اور نسلی امتیاز پر مبنی نظام کا خاتمہ کرے۔ بیان میں نو آبادیاتی قبضہ ختم کروانے اور اسرائیل کے تمام جرائم اور خلاف ورزیوں کو روکنے۔ انہیں قابلِ سزا قرار دینے اور احتساب کو یقینی بنانے پر زور دیا گیاہے۔