Raza Musani 
راولپنڈی : بھارتی جارحیت کے دوران زخمی ہونے والے پاک فوج کے مزید 2 جوان شہید ہوگئے۔ بھارتی افواج نے 6 اور 7 مئی کی درمیانی شب خواتین، بچوں اور بزرگوں سمیت معصوم شہریوں کو نشانہ بنایا، جس کے دوران مسلح افواج کے جوانوں نے بھرپور جذبے اور مثالی بہادری کے ساتھ مادر وطن کا دفاع کیا۔ مسلح افواج کے شہید اہلکاروں کی کل تعداد 13 ہو گئی جبکہ 78 فرائض کی انجام دہی کے دوران زخمی ہوئے۔ آئی ایس پی آر نے کہا کہ شہید ہونے والوں میں پاک فوج کے حوالدار محمد نوید شہید اور پاک فضائیہ کے سینئر ٹیکنیشن محمد ایاز شہید شامل ہیں، جن کی عظیم قربانی ان کی ہمت، فرض سے لگن اور غیر متزلزل حب الوطنی کا لازوال ثبوت ہے۔
