Raza Musani 
بغداد : ترکی کے جنگی طیاروں نے ایک بار پھر عراقی کردستان کے علاقے دھوک کے دیہات پر بم برسادئے۔ یہ حملہ نہلہ کے علاقے میں یرکلی اور سکیری دیہات پر کیا گیا ہے۔ دھوک صوبے کے العمادیہ کے سینیئر عہدیدار وارشین سلمان نے حملے کی تصدیق کرتے ہوئے بتایا کہ حملے میں جانی و مالی نقصان کی تفصیلات سامنے نہیں آئی ہیں۔ ترک وزارت دفاع کا کہنا ہے کہ اس حملے میں پی کے کے 10 افراد مارے گئے ہیں۔عراقی حکام نے ترکی سے بارہا مطالبہ کیا ہے کہ وہ اس قسم کی کارروائیاں نہ کرے لیکن انقرہ ان مطالبات پر کوئی توجہ نہیں دیتا اور اپنے حملوں کی وجہ پی کے کے کا مقابلہ کرنا بتاتا ہے ۔
