Raza Musani 
واشنگٹن : امریکا کے جنجگو صدر ڈونلڈ ٹرمپ نے ایرانی شہریوں کو تہران خالی کرنے کی وارننگ دیدی۔ ڈونلڈ ٹرمپ نے اپنے سوشل میڈیا پر جاری بیان اور جی سیون اجلاس کے موقع پر میڈیا سے گفتگو میں ایران کو سنگین نتائج کی دھمکیاں دیں۔ ٹرمپ نے کہا کہ ایران سے بار بار کہا تھا کہ نیوکلیر ڈیل پر دستخط کردیں مگر ایسا نہیں کیا گیا۔ ایران کسی صورت نیوکلیئر ہتھیار حاصل نہیں کرسکتا۔ اگر ایران نے نیوکلئیر ڈیل نہیں کی تو کچھ ضرور ہوکر رہے گا۔
ٹرمپ جی سیون اجلاس کو ادھورا چھوڑ کر واپس امریکا چلے گئے جہاں انہوں نے قومی سلامتی کونسل کا ہنگامی اجلاس طلب کرلیا ہے۔ ڈونلڈ ٹرمپ نے وائٹ ہاؤس انتظامیہ کو ہدایت کی ہے کہ وہ ایرانی اور امریکی حکام سے جلد ازجلد ملاقات کا اہتمام کریں۔
