غیر قانونی تارکین وطن کے معاملے پر کوئی سمجھوتہ نہیں ہوگا، نگراں وزیر داخلہ

اسلام آباد: نگراں وزیر داخلہ سرفراز بگٹی نے صاف صاف کہا ہے کہ غیر قانونی تارکین وطن کے معاملے پر کوئی سمجھوتہ نہیں ہوگا۔ غیر قانونی مقیم تارکین خود ہی لوٹ جائیں ورنہ یکم نومبر کے بعد ایکشن ہوگا۔ وزیر داخلہ نے کہا کہ سرفراز بگٹی کا کہنا ہے کہ ہمیں علم ہے کہ غیر قانونی تارکین وطن کس گاؤں اور کس شہر میں ہیں، رضاکارانہ طور پر واپس جانے والے تارکین وطن کی حوصلہ افزائی کریں گے۔ انہوں نے کہا کہ کوئی بھی غیر قانونی مقیم افراد کو پناہ دے گا تو اس سے سختی سے نمٹیں گے، غیرقانونی غیرملکیوں کی جیو فینسنگ کر لی ہے، ہمارے پاس مکمل معلومات ہیں۔ نگراں وزیرِ داخلہ نے کہا کہ مہم غیر قانونی مہاجرین سے متعلق ہے قانونی دائرے میں آنے والوں کا مسئلہ نہیں، ویزا لے کر پاکستان آئیں ہم مہمان نوازی کریں گے، ہم مہمان نواز ہیں۔