Raza Musani 
سجاول :وزیر اعلیٰ سندھ سید مراد علی شاہ نے کہا ہے کہ افغانستان کی موجودہ صورتحال کے دوران یوم عاشور پر خطرات موجود ہیں، کوشش ہے کہ یوم عاشور کے موقع پر بھی بھرپور سیکیورٹی انتظامات یقینی بنائیں، سیکیورٹی سخت ہونے سے عاشورہ کے موقع پر لوگوں کو تکلیف ضرور ہوتی ہے لیکن عوام کو چاہیے کہ حکومت سے تعاون کریں، وزیراعلی نے وفاقی حکومت کا ملک بھر میں یکساں نصاب کا منصوبہ ناقابل قبول قراردیتے ہوئے کہا کہ ہم اپنے تجربات کے تحت سندھ کے بچوں کو بہتر تعلیم کی فراہمی کیلیے کوشاں ہیں، سندھ میں تعلیمی نصاب بہتر ہے، وفاقی حکومت کا ملک بھر میں یکساں نصاب پر وفاقی حکومت نے صوبہ سندھ کو اعتماد میں بھی نہیں لیا۔
