بڑھتے تشدد اور حالیہ واقعات کی ذمہ دار صیہونی حکومت ہے، فلسطینی قیادت

رام اللہ : فلسطینی قیادت نے بڑھتے تشدد اور حالیہ واقعات کا ذمہ دار صیہونی حکومت کو قرار دیا ہے۔ صدر محمود عباس کی سربراہی میں فلسطینی قیادت کا ہنگامی اجلاس ہوا جس میں تازہ صورتحال کا جائزہ لیا گیا۔ اور تمام ترحالات کا ذمہ دار صیہونی حکومت کو قرار دیا گیا۔ فلسطینی قیادت نے کہاکہ زمین پر قبضے، مکانات کی مسماری، نوآبادیاتی طریقے، نسل پرستانہ اقدامات، مقدس مقامات کی بے حرمتی اور معاہدوں سے روگردانی نے صورتحال کو اس خطرناک مقام تک پہنچادیا۔ فلسطینی قیادت نے قابض حکومت کو اس طرز عمل کو جاری رکھنے سے خبردار کیا اور کہاکہ یہ عمل مزید بگاڑ کا باعث بنے گا، جس سے پورے خطے کی سلامتی اور استحکام کو خطرہ ہو گا۔