صیہونی فوج نے حملوں میں اسرائیلی یرغمالی بھی ماردئے، عوام میں غم وغصہ کی لہر

تل ابیب: صیہونی فوج نے غزہ میں اپنے ہی تین اسیروں کو ماردیا۔ عوام میں شدید غم وغصہ کی لہردوڑ گئی۔
اسرائیلی فوج کے ترجمان نے بتایا ہے کہ تین اسیروں کی ہلاکت کا واقعہ حماس کے جنگجوؤں کے ساتھ لڑائی کے دوران پیش آیا۔ شجاعیہ میں حماس کے ساتھ لڑائی کے دوران تین یرغمالیوں کے بارے میں غلط فہمی پیدا ہوئی اور انہیں خطرہ سمجھا گیا۔ جس کے بعد اہلکاروں نے اُن پر فائرنگ کردی۔ تین یرغمالیوں کو ہلاک کرنے کے واقعے کی تحقیقات جاری ہیں۔
اسیروں کی ہلاکت کی اطلاع ملتے ہی سینکڑوں اسرائیلی سڑکوں پر نکل آئے۔ تل ابیب میں فوجی ہیڈ کوارٹر کے باہر مظاہرے میں جنگ بندی اور قیدیوں کے تبادلے کےحق میں نعرے لگائے گئے۔ مظاہرین نے نیتن یاہو سے حماس کے ساتھ قیدیوں کے تبالے کا معاہدہ کرنے کا مطالبہ کیا۔