مغرب مشرق وسطیٰ کو بڑی جنگ میں دھکیل رہا ہے، سرگئی لاروف

ماسکو: روسی وزیر خارجہ سرگئی لاروف نے خبردار کیا کہ مغرب مشرق وسطیٰ کو ایک بڑی جنگ میں دھکیل رہا ہے۔ ماسکو میں بین الاقوامی نمائش کے فورم سے خطاب میں سرگئی لاروف نے امریکی اتحاد کو کڑی تنقید کا نشانہ بنایا۔ انہوں نے کہاکہ مغرب کا لیبیا۔ شام، عراق اور یوکرین میں بھی یہی منشور تھا۔ وہ اپنے مسائل ہمیشہ دوسروں کے اخراجات پر حل کرتے ہیں اور دوسری اقوام کے وسائل کا استحصال کرتے ہیں۔ سرگئی لاروف نے کہا کہ مشرق وسطیٰ کو ایک بڑی جنگ میں دھکیلا جارہا ہے ۔ جس سے دہشتگردی اور ہجرت جیسے مسائل بڑھیں گے۔ روسی وزیرخارجہ نے کہا نیٹو پرانے وقتوں کی بات ہوگئی دنیا بھر میں اپنے پر پھیلانے سے یہ اتحاد کمزور ہوگا۔ اب وقت بدل گیا ہے اب آپ زور زبردستی سے کسی پر اپنی مرضی مسلط نہیں کرسکتے۔