مغرب اشتعال انگیزی پر مبنی پالیسی پر عمل پیرا ہے، روس کو کم تر نہ سمجھا جائے، ترک صدر

بلغراد : ترک صدر رجب طیب اردوان نے روس کے خلاف مغرب کی اشتعال انگیزی کی مذمت کرتے ہوئے واضح کیا ہے کہ ماسکو کو کسی طور پر کم تر نہ سمجھا جائے جو لوگ روس کو کمزور سمجھ رہے ہیں وہ غلط سوچ رہے ہیں۔بلغراد میں اپنے سربیائی ہم منصب الیگزینڈر ووچک کے ساتھ ایک نیوز کانفرنس میں ترک صدر نے کہا کہ میں واضح طور پر کہہ سکتا ہوں کہ مجھے مغرب کا رویہ درست نہیں لگتا ہے کیونکہ یہ مغرب ہے جو اشتعال انگیزی پر مبنی پالیسی پر عمل پیرا ہے۔ یورپ اشتعال انگیزی پر مبنی پالیسی پر عمل پیرا ہے لیکن ماسکو کو کم نہیں سمجھا جانا چاہیے۔ طیب اردوان نے کہا کہ ان لوگوں سے کہتا ہوں جو روس کو کم سمجھتے ہیں آپ یہ غلط کر رہے ہیں روس ایسا ملک نہیں ہے جسے کم سمجھا جا سکے۔ ترک صدر نے بحران کے حل میں مدد کے لیے روس اور یوکرین کے درمیان انقرہ کی متوازن پالیسی کا اعادہ بھی کیا۔