امریکا نے 400 جنگیں چھیڑیں، ایک چوتھائی مغربی ایشیا اور افریقا میں ہوئیں، رپورٹ

واشنگٹن : امریکا نے اپنی تاریخ میں 400 فوجی آپریشن کئے جس میں سے ایک چوتھائی سے زیادہ مغربی ایشیا اور افریقا میں کئے گئے یہ انکشاف ایک نئے تحقیقی مطالعے میں کیا گیا۔ فوجی مداخلت کے منصوبے کا تعارف کے عنوان سے یے گئے اس سروے میں کہا گیا ہے کہ امریکا نے 1776 میں اپنے قیام سے لے کر 2019 تک 400 فوجی مداخلتیں کی ہیں۔ جن میں سے ایک چوتھائی سے زیادہ سرد جنگ کے بعد کے عرصے میں ہوئی ہے۔ امریکی فوجی مداخلتوں نے مشرق وسطیٰ اور افریقا کو "زیادہ سے زیادہ” نشانہ بنایا،اس تحقیق میں یہ بھی پتا چلا کہ نائن الیون کے بعد کے دور کے نتیجے میں اعلیٰ دشمنی کی سطح پیدا ہوئی تھی، جس میں امریکی فوجی مہم جوئی "بہت زیادہ عام” ہو گئی تھی۔ رپورٹ میں 1991 میں سوویت یونین کے انہدام کی طرف اشارہ کرتے ہوئے کہا گیا کہ اس واقعے کے بعد امریکا پوری دنیا میں غالب فوجی طاقت کے طور پر ابھرا تاہم اس کے نتیجے میں واشنگٹن کی فوجی مداخلتوں میں کمی نہیں آئی۔