Raza Musani 
تہران: امریکا نے ایران کے چھ ارب ڈالر غیر منجمد کردئے۔ رقم سے پابندی سے مستثنٰی سامان ہی خریدا جاسکے گا۔ ایرانی مرکزی بینک کے گورنر محمد رضا فرزین نے کہا ہے کہ امریکا نے قیدیوں کے تبادلے کے معاہدے کے تحت جنوبی کوریا میں منجمد تمام ایرانی فنڈز کو غیر منجمد کردیا ہے۔ ایرانی رقوم قطر میں موجود ایرانی بینک اکاؤنٹس میں جمع کرائی جائیں گی۔ انہوں نے کہا بحال کی گئی رقم کو ایسی اشیا کی خریداری کیلئے ہی استعمال کیا جائے گا جو پابندی کا شکار نہیں ہیں۔وائٹ ہاؤس کے ترجمان جان کربی نے کہا کہ ایران اس رقم کا استعمال صرف خوراک، ادویات اور طبی آلات کی خریداری کیلئے کر سکے گا۔ جنوبی کوریا کی طرف سے رقم کو یورو میں تبدیل کرنے کے اخراجات ایک "تیسرا ملک” ادا کرے گا۔ ایرانی حکام کا کہنا ہے کہ فنڈز منتقلی کے بعد ہی پانچوں امریکیوں کو ایران چھوڑنے کی اجازت دی جائے گی۔
