Raza Musani 
اقوام متحدہ کی انسانی حقوق کونسل کے سربراہ وولکر ترک نے کہا ہے کہ اسرائیل کا غزہ کا مکمل محاصرہ عالمی قانون کے تحت ممنوع ہے۔ ترک نے کہا کہ اسرائیل کا محاصرہ مسلط کرنا جو شہریوں کو ان کی بقا کے لیے ضروری سامان سے محروم کر کے ان کی زندگیوں کو خطرے میں ڈالتا ہے، بین الاقوامی انسانی قانون کے تحت ممنوع ہے۔ یہ اجتماعی سزا ہے۔ وولکر ترک نے کہا کہ لوگوں کے وقار اور جانوں کا احترام کیا جانا چاہیے، انہوں نے تمام فریقین سے کشیدگی کم کرنے کا مطالبہ کیا۔ انہوں نے ایک بیان میں کہا کہ عالمی انسانی قانون واضح ہے کہ شہری آبادی اور شہری اشیا کو بچانے کے لیے مسلسل دیکھ بھال کی ذمہ داری حملوں کے دوران بھی عائد ہوتی ہے۔ ادارے کی ترجمان روینا شمداسانی نے کہا کہ مکمل محاصرہ جنگی جرم ہے۔ انہوں نے کہا کہ اقوام متحدہ کے حقوق کے دفتر کے نتائج دستیاب مواد کے جائزے پر مبنی ہیں جو اس کے اپنے نگرانوں سے حاصل ہوئے۔
