Raza Musani 
کابل : طالبان نے امدادی ٹرکوں سے پاکستانی پرچم ہٹانے والے اہلکاروں کو گرفتار کرلیا، طالبان نے امدادی ٹرکوں سے پاکستانی پرچم ہٹانے والے کارکنان کے خلاف کارروائی کا فیصلہ کرتے ہوئے اس عمل سے پاکستانی عوام کو ٹھیس پہنچنے پر معذرت کر لی، یہ ٹرک ضروری امدادی سامان لے کر طورخم سرحد کے راستے افغانستان پہنچے تھے، سوشل میڈیا پر سامنے آنے والی ویڈیو میں طالبان کارکنان کو ٹرک کی سائیڈ میں لگا پاکستانی جھنڈا اتارتے دیکھا گیا، ویڈیو میں لوگوں کو جھنڈے کو پھاڑنے کا کہتے ہوئے سنا گیا،جھنڈے کو اتارتے ہی بلند آواز میں نعرے سنائی دیے جبکہ ایک طالبان جنگجو کا کہنا تھا کہ جھنڈے کو جلا دینا چاہیے، ویڈیو پر ردعمل میں طالبان ترجمان ذبیح اللہ مجاہد نے بیان میں کہا کہ پاکستانی جھنڈے کو ٹرک سے ہٹانے پر اسلامی امارات کی پوری کابینہ افسردہ ہے،انہوں نے کہا کہ اس واقعے سے یقیناً ہمسایہ ملک کے عوام کے جذبات کو ٹھیس پہنچی ہوگی جس پر ہم معذرت کرتے ہیں اور پاکستان کے ساتھ ہر قسم کے اچھے تعلقات چاہتے ہیں، پاکستانی پرچم کے ہٹانے میں جو اہلکار ملوث تھے انہیں گرفتار کیا جاچکا ہے، ان اہلکاروں سے اسلحہ بھی واپس لے لیا گیا جبکہ اسلامی امارات کے قانون کے مطابق انہیں سزا دی جائے گی۔
